Gizarte Zerbitzuetako Aldizkaria (ISSN: 1134-7147, doi: 10.5569/1134-7147)

Zerbitzuan aldizkarirako originalak aurkezteko arauak

• Zerbitzuan aldizkarian gizarte-politikei eta zerbitzuei buruzko artikuluak argitara ditzakete arloan diharduten profesional, ikerlari, erakundeen ordezkari eta gizarte-ongizateko politiketan interesa duten pertsona orok.
• Artikuluak argitaragabeak izango dira eta aldizkariaren ardatz diren oinarrizko gaiei buruzkoak (gizarte-zerbitzuak eta gizarte-ongizateko politikak; gizartearen parte hartzea; immigrazioa, pobrezia eta gizarte-bazterketa; urritasuna; adineko, haur eta adingabeen arreta; droga-mendetasun eta gizartearen eskuartzea, oro har)
• Artikuluak idatz daitezke bai euskaraz bai gaztelaniaz, eta argitaratuko dira jatorrizko testua jasotzen den hizkuntzan.
• Artikuluak posta elektronikoz igorriko dira, testuak Word dokumentu batean; eta balizko grafikoak Excel dokumentu batean.
• Formaren ikuspegitik, kontuan hartu, arren, honako jarraibide hauek:
  • Artikulu bakoitzak izan beharko ditu gutxienez 6.000 hitz eta gehienez 15.000, eta hor zenbatuko dira taulak, grafikoak eta bibliografia. Mesedez, ezinbesteko jotzen diren taulak eta grafikoak bakarrik igorri.
  • Lehenengo orrialdean jasoko dira artikuluaren titulua, egilearen edo egileen izenak, harremanerako helbide eta telefonoak, eta, baita ere, lankide gisa jardundako erakundea.
  • Artikuluaren laburpena erantsi beharko zaio (gehienez 150 hitz), eta hautatuko dira testuaren edukia deskribatuko dituen bost giltza hitz.
  • Oharrak joango dira orri-oinean.
  • Artikuluen erreferentzia bibliografikoek jarraituko dute ISO 690/1987 Araua.
• Erredakzio Kontseiluko kideen iritzira jarriko dira artikuluak jasotzen direnean, eta haiek erabakiko dute argitaratu edo ez kalitate zientifiko eta egokieraren arabera.
• Artikuluak argitaratzeko onartzen direnean, aldizkariaren zuzendaritzak beretzat gordeko du testuetako epigrafeak eta titulua aldatzeko eskubidea, baita aldizkariaren estilo-arauen arabera, komenigarri jotzen dituen estilo-zuzenketak egitekoa ere.
• Egileek ez dute ordaindu behar euren artikuluak ebaluatu edo argitaratzeagatik.
• Honako hauek dira aldizkariaren helbide eta harremanerako telefonoa:
  
  Zerbitzuan
  SIIS Dokumentzaio eta Ikerketa Zentrua
  Echagüe Jenerala 10-behea
  20003 Donostia
  Tel.: 943 42 36 56. Faxa: 943 29 30 07
  publicaciones[a bildua]siis[puntu]net